जागतिक महिला दिन

स्त्री हि जगद्जननी आहे, आई , आजी, बहिण , पत्नी अश्या अनेक रुपात तिचे समाजावर अनेक उपकार आहेत, या कृतज्ञतेची जाणीव ठेऊन खास माता भगिनींसाठी जागतिक महिला दिनानिमित्त  खास सत्काराचे आयोजन केले, यात सुमारे १५०० महिलांचा सत्कार करून त्यांना गौरविण्यात आले..

याबरोबरच महिलांना स्वावलंबी बनविण्यासाठी ग्रामीण, शहरी व आदिवासी भागात प्रशिक्षण केंद्र चालविणे व स्वयंरोजगाराच्या संधी उपलब्ध करून देण्यासाठी मार्गदर्शन शिबिराचे आयोजन करणे, परित्यक्ता, घटस्फोटीत स्त्रियांसाठी आश्रम स्थापन करणे, महिला सल्ला केंद्र सुरु करणे, बाल संस्कार केंद्र सुरु करणे इत्यादी कामे नियोजित आहेत

मोफत पोलीस भरती पूर्व मार्गदर्शन शिबीर

मालेगाव तालुका व आजूबाजूच्या तालुक्यातील पोलीस भरतीसाठी उत्सुक असलेल्या तरुण तरुणींसाठी मोफत पोलीस भरती पूर्व मार्गदर्शन शिबीर आयोजित करण्यात आले आहे, या शिबिरात मैदानी, लेखी परीक्षांची तयारी करवून घेण्यात येत आहे, नाशिक ग्रामीण पोलीस व धर्मवीर प्रतिष्ठान यांच्या संयुक्त विद्यमाने सदर शिबीर आयोजित करण्यात आले आले आहे , या प्रकल्पाचा फायदा जास्तीत जास्त व्हावा, यासाठी जळगाव येथील नामांकित स्पर्धा परीक्षा मार्गदर्शन केंदाचे तज्ञ प्रशिक्षक आमंत्रित करून त्यासाठी येणारा संपूर्ण खर्च मी स्वत: केला आहे. 

 

धर्मवीर प्रतिष्ठाण तर्फे ५ टँकर द्वारे पिण्याच्या पाण्याच्या सोयी साठी मोफत पाणीपुरवठा

: मालेगाव तालुक्यातील माळमाथा परिसरात भयंकर दुष्काळी परिस्थिती निर्माण झाल्यामुळे , परिसरातील लोकांना पाण्यासाठी भटकंती करावी लागत आहे , हि गोष्ट लक्षात घेऊन “धर्मवीर प्रतिष्ठाण ” तर्फे पिण्याच्या पाण्याच्या सोयी साठी मोफत पाणीपुरवठा करण्यात येत आहे, या साठी ५ टँकर द्वारे, एक टँकर दुष्काळी परिस्थिती असेपर्यंत नित्य मोफत जलसेवा करण्यात येईल.

धर्मवीर प्रतिष्ठाण चा उद्देश

धर्मवीर प्रतिष्ठाण चा उद्देश :

·        आरोग्य विषयक सुविधा उपलब्ध करून देणे, शिबिरे राबविणे,

·        महिलांसाठी व सुशिक्षित बेरोजगारांसाठी वेगवेगळ्या प्रकारचे प्रशिक्षण व संशोधन केंद्र चालविणे.

·        राष्ट्रहितार्थ उपक्रम सुरु करून राबविणे,

·        समाजसेवा - श्रमदान शिबिराचे आयोजन करणे,

·        वृक्षारोपण राबविणे,

·        व्यसनमुक्ती कार्यक्रम राबविणे.

·        लोककलांचे जतन व संवर्धन करण्यासाठी उपक्रम राबविणे,

·        सांस्कृतिक कार्यक्रमांचे आयोजन करणे,

·        व्याख्यानमाला सुरु करणे,

·        मुलामुलींच्या शैक्षणिक गरजा पूर्ण करणे , ग्रामीण व शहरी भागात प्राथमिक व माध्यमिक विद्यालय साठी मदत करणे ,

·        क्रीडा व कला प्रशिक्षण शिबिरे तसेच स्पर्धांचे आयोजन करणे,

·        गरीब, मागास विध्यार्थ्यांना मदत करणे, ज्ञानवंत, गुणवंत, प्रज्ञावंत यांचा गौरव करणे,

·        राष्ट्रीय अभियान चळवळीत सहभागी होणे,

·        ग्रामीण भागातील युवक व युवतींसाठी स्वयंरोजगार प्रशिक्षण शिबिराचे आयोजन करणे.

·        ग्रामीण भागातील जलसंधारण, सामाजिक वनीकरण, पर्यावरन विकास कामातून समाजाचा विकास करणे.

·        ग्रामीण व शहरी भागात ग्राम स्वच्छता अभियान चालवणे.

·        ग्रामीण व शहरी भागातील युवक, युवती व बालकांसाठी औपचारिक अनौपचारिक विषयक शिक्षणाचा प्रचार व प्रसार करणे.

·        ग्रामीण व शहरी भागातील महिला व पुरुषांचे बचतगट प्रशिक्षण देणे व स्थापन करणे.

·        ग्रामीण व शहरी भागात युवक व युवतींसाठी माध्यमिक व उच्चमाध्यमिक तसेच बालवाड्या, वैद्यकीय दवाखाना, तंत्रज्ञान महाविद्यालये सुरु करण्यासाठी मार्गदर्शन करणे व चालविणे.

·        ग्रामीण व शहरी भागातील जनतेसाठी एड्स, कृष्ठरोग, क्षयरोग, पल्स पोलिओ लसीकरण, कुपोषण इ. जनजागरण करून तसेच सेवा उपलब्ध करून देणे व त्यासाठी जनजागृती कार्यक्रम आयोजित करणे.

·        झोपडपट्टी गलीच्च वस्ती सुधार, दुर्लक्षित घटकांतील समाजासाठी विविध  योजना राबविणे.

·        महिलांना स्वावलंबी बनविण्यासाठी ग्रामीण, शहरी व आदिवासी भागात प्रशिक्षण केंद्र चालविणे व स्वयंरोजगाराच्या संधी उपलब्ध करून देण्यासाठी मार्गदर्शन शिबिराचे आयोजन करणे, परित्यक्ता, घटस्फोटीत स्त्रियांसाठी आश्रम स्थापन करणे, महिला सल्ला केंद्र सुरु करणे, बाल संस्कार केंद्र सुरु करणे.

छत्रपती शिवाजी महाराज जयंती निमित्त लाडूवाटप कार्यक्रम